Лео Месси: "Мусобақадан аввал ҳеч ким у Аргентина учун бу қадар муҳим роль ўйнашини тасаввур ҳам қилмаган"
16 дек 2022 12:59
Янгиликлар

Лео Месси: "Мусобақадан аввал ҳеч ким у Аргентина учун бу қадар муҳим роль ўйнашини тасаввур ҳам қилмаган"

Аргентина терма жамоаси сардори Лионель Месси жамоадошининг мундиалдаги ўйинига юқори баҳо берди.

Месси ҳужумдаги шериги Хулиан Альвареснинг жаҳон чемпионатидаги ўйинини алоҳида таъкидлаб ўтди.

"Манчестер Сити" ҳужумчиси Қатардаги мусобақанинг 6 учрашувида 4 та гол урди.

"Мусобақадан аввал ҳеч ким Хулиандан бундай ўйин ва терма жамоа учун шу қадар муҳим фигурага айланишини кутмаган бўлса керак. Унинг иштироки мени ҳайрон қолдирди.

Жаҳон чемпионатининг бошидан ва сешанба куни ҳам (Хорватияга қарши ўйин) у ажойиб ўйин намойиш қилди. Тўп учун курашларда, вазият яратишда фаол ҳаракат қилди ва ҳар бир тўп учун астойдил курашди.

Хулиан Аргентина учун ажойиб топилма бўлди ва у финалга лойиқ, чунки жуда ажойиб йигит" - деди Лионель Месси.

Ҳавола :

Манба : Mundo Deportivo

Янгиликларни Телеграмда ўқинг!

Рейтинг: +19