Лео Месси ЖЧ ғолиблиги ҳақида: "Бу орзу учун умрим давомида курашдим"
05 ноя 2023 15:28
Янгиликлар

Лео Месси ЖЧ ғолиблиги ҳақида: "Бу орзу учун умрим давомида курашдим"

Ҳужумчи Лео Месси Аргентина термаси билан жаҳон чемпионлиги совринини қўлга киритгани ҳақида гапирди.

- Жаҳон чемпионлигини тақдим қилган Монтьелнинг пенальтисидан кейин нималарни ҳис қилгансиз?
- Миямда минг хил ҳаёл бор эди. Ўшанда нималарни ҳис қилганимни айтиб бериш жуда қийин. Трибунадаги яқинларимга имо-ишора қилиш жуда муҳим эди. "Бўлди, мана, бўлди" - бу лаҳзаларни умрим давомида кутгандим. Бу учун умрим давомида курашгандим.
Бу менинг орзуим эди, нафақат менинг, балки, бутун Аргентинанинг орзуси бўлганди. Ўзимга: "Бўлди, ҳамма совринни ютдим", дегандим. Саҳнада жаҳон кубогини кўрганимда, бу бизники эканлигига ишонмаётгандим.
Уни ушлашга биринчи марта имкониятим бўлганди ва уни бирданига ўпишни истадим. Ўша лаҳзаларнинг ҳар бир онидан завқ олгим келганди, - деди Месси.

Ҳавола :

Манба : L’Équipe

Янгиликларни Телеграмда ўқинг!

Рейтинг: +13