Кучли-бешликдаги қизил карточка олмаган жамоалар
26 апр 2016 23:30
Янгиликлар

Кучли-бешликдаги қизил карточка олмаган жамоалар

Европанинг кучли-бешлик чемпионатларидаги фақатгина тўртта жамоага ҳозирга қадар ҳакам томонидан қизил карточка кўрсатилмаган.

Италия А Серия, Испания Ла Лигаси ва Франция 1 дивизионида барча жамоалар ҳакамнинг қизил карточкаси билан сийланган. Кучли-бешлик чемпионатларида фақатгина тўртта жамоада ҳозирча четлатиш йўқ. Энг қизиғи, нисбатан анча тартибли ва интизомли ўтадиган Англия премьер лигаси ва Бундеслигада қизил карточка олмаган жамоалар мавжуд.

Англия чемпионатида "Тоттенхэм" ва "Манчестер Сити" жамоалари футболчиларига жорий мавсумда қизил карточка кўрсатилмаган. Шунингдек, Бундеслиганинг ҳам икки клуби Дортмунднинг "Боруссия" ҳамда "Дармштадт" жамоалари ҳозирча майдонда бир киши кам бўлиб ҳаракат қилишмаган.

Ушбу жамоалар ичида энг кам огоҳлантиришга эга жамоа бу "Боруссия Дортмунд" саналади. Улар ушбу мавсумда ички чемпионатда бор-йўғи 33 маротаба ҳакамлар томонидан сариқ карточкага лойиқ кўрилишган. Томас Тухель Дортмундда нафақат кучли, балки тартиб ва интизоми билан ҳам намуна бўлаётган жамоани қурмоқда.

Ҳавола :

Манба : championat.asia

Янгиликларни Телеграмда ўқинг!

Рейтинг: +8