"Кристал Пэлас" Даун синдромли болаларни жамоавий фотосессияга таклиф қилди

Болаларни трибунаости йўлаги орқали майдонга олиб чиқишди. Улар ўтиришлари учун стуллар қўйилди.

Уларнинг ёнида жамоанинг кубоклари (Англия Кубоги ва Англия Суперкубоги) бор эди.

Кейинроқ асосий таркиб футболчилари ва мураббийлар штаби майдонга чиқиб, болалар билан саломлашишди. Футболчилар Оливер Гласнер билан бирга болалар орасида суратга тушишди.

"Кристал Пэлас" бу йил ўз тарихида биринчи марта совринларни қўлга киритди: биринчидан, АПЛ ўртамиёна жамоаси финалда "Манчестер Сити"ни мағлуб этиб, Англия Кубогини қўлга киритди, сўнгра янги мавсум бошида Суперкубок учун баҳсда "Ливерпул"ни пенальтилар сериясида мағлуб этди.