Косонсойда Самарахон Каримов хотирасига турнир ўтказилди ФОТО

Шу муносабат билан Наманган вилоятининг Косонсой туманида «9-май - Хотира ва қадрлаш куни» ҳамда туман фахри Самарахон Каримовнинг 85 йиллигига бағишланган мини-футбол бўйича Хотира турнири ўтказилди.

Турнирга Самарахон Каримовнинг фарзандлари, набиралари ташриф буюришди.

Қуръа натижаси бўйича кўра, 20 та жамоа, 4-гуруҳга бўлинган ҳолда баҳсларга киришадиган бўлишди. Жамоалар ўртасидаги мусобақа жуда қизиқарли, тенг кучлар остида ўтди.

Финалда «Давр 1987» ҳамда «Боруссия Дортмунд» жамоалар тўқнаш келишди. Муросасиз ва тенг курашлар остида ўтган баҳсда «Давр 1987» жамоаси рақибини 4:3 ҳисобида енгиб, бош совринга сазовор бўлди.

2-ўринга «Боруссия Дортмунд» лойиқ кўрилган бўлса, 3-ўрин эса «Косонсой А-Серия» ҳамда «Гулистон» жамоаларига насиб этди.

Шунингдек, турнирда “Энг яхши футболчи” (Акмалхон Абдуллаев, «Боруссия Дортмунд»), “Энг яхши дарвозабон” (Абдусами Раҳимбоев «Давр 1987»), “Энг яхши тўпурар” (Баходирхон Иномов, «А-Серия»), “Энг яхши ёши катта футболчи” (Иброҳимжон Каримов, «Қорасув»), “Энг яхши ёш футболчи” (Азимжон Муҳаммадазимов, «Заковат»), “Энг намунали футболчи” (Носирхон Бобоев, «А-Серия»), “Энг чиройли гол муаллифи” (Жамолхон Ҳамидов, «Косонсойчи»), “Энг шиддатли хужумчи” (Исломхон Зокиров, «Давр 1987»), “Энг мехнатсевар футболчи” (Фарход Атаханов, «Гулистон») номинациялар бўйича қиматбаҳо совғалар ўз эгаларига топширилди.
Тадбир сўнггида Самарахон Каримовнинг фарзандлари Муяссархон Каримова сўзга чиқиб, турнир ғолибларини самимий қутлаб, тадбирни ташкил этган Жахонгирхон Хожихоновга оталари руҳини шод этганликлари учун чин дилдан ўз самимий миннатдорчилигини билдирди.

Ўтказилган ушбу хотира турнири барчанинг кўнглида илиқ таассурот қолдирди.

Самарахон Каримов хотира турнири.
Чорак финал
2 май (сешанба)
1/4 финал
А-Серия - Богишамол - 4:3
Дортмунд - Олмазор-3:2
Давр 1987 - Косонсойчи - 4:2
Гулистон - Заковат - 3:2

1/2 финал
4 май (пайшанба)
Давр 1987 - Гулистон - 2:0
А-Серия - Боруссия Дортмунд - 3:4
3-ўрин учун бахс ўтказилмаганлиги сабабли, Гулистон ва А-Серия жамоаларига берилди.
Финал
6 май (шанба)
Давр 1987 - Боруссия Дортмунд - 4:3.
1-ўрин – Давр 1987
2-ўрин – Боруссия Дортмунд
3-ўрин – А-Серия, Гулистон.

Рустамхон Темиров