Коронавирус "Уотфорд"нинг қайси ўйинчисида аниқлангани маълум бўлди

Олдинроқ, Англия Премьер-лигаси инфекциянинг олтита ҳолати ҳақида хабар берган эди, шулардан учтаси "Уотфорд"да қайд этилганди: бир ўйинчи ва икки клуб ишчиси.

33 ёшли футболчининг сўзларига кўра, унда касалликнинг ҳеч қандай аломатлари сезилмаган. Эндиликда уни етти кунлик карантин кутмоқда, шундан сўнг у яна тест топшириши лозим бўлади.

"Деярли уйдан чиқмасдан туриб, ўзингизни нормал ҳис қилган ҳолатда вирусни юқтириб олиш жуда қўрқинчли.

Агар биз машғулотларга қайтиб, тестдан ўтмаганимизда менда вирус борлигини билмасдан ҳаёт кечиришда давом этган бўлардим", - дейди Мариаппа.