Копа Америка-2019. Қатар мусобақага тайёр
16 июн 21:48
Янгиликлар

Копа Америка-2019. Қатар мусобақага тайёр

Бразилияда бўлиб ўтаётган Копа Америкада бугун Осиё вакили Қатар ўз иштирокини бошлайди.

Маълумки, Осиё Кубогининг амалдаги ғолиби Қатар билан финалчи Япония ушбу мусобақада иштирок этади. Бугун бизнинг вақт билан 00:00да Қатар термаси дастлабки турни Парагвайга қарши ўтказади.

Ўйиндан олдинги матбуот анжуманида қатарликлар устози Феликс Санчес жамоа бўлажак ўйинга тайёрлигини айтиб ўтди. Қатарликлар турнирга тайёргарлик жараёнини охирги икки ҳафта ичида Порта Белода ўтказишди.

Қатар термаси мусобақага ҳозирлик чоғида Бразилияга қарши ўртоқлик учрашуви ўтказиб, 0:2 ҳисобида мағлуб бўлди. Копа Америка давомида Ҳассан Ал Ҳайдос терма жамоа сардори бўлади.