"Барселона" кейинги мавсумда "Камп Ноу"да ўйнай олмайди
31 мар 2023 10:38
Янгиликлар
"Барселона" кейинги мавсумда "Камп Ноу"да ўйнай олмайди
"Барселона" Испания футбол федерациясини кейинги мавсумда уй ўйинларини "Камп Ноу"да ўтказа олмаслиги ҳақида расман огоҳлантирди.
Каталон клуби арена реконструкциясини бошламоқда ва шу сабаб 2023/24-йилги мавсумни "Монжуик" стадионида ўтказади.
Маълум қилинишича, "Spotify Камп Ноу"даги реконструкция ишлари ва унинг таркибидаги спорт мажмуалари таъмирига 1,5 млрд евро миқдоридаги маблағ сарфланади. Ҳозирда клуб қурилиш ишларига ҳомийлик қилишга тайёр бўлган қатор фондлар билан музокараларнинг охирги босқичида турибди.
"Камп Ноу"га "Барселона" 2024 йил ноябрь ойидан эртароқ қайта олмайди.
"Монжуик" стадиони 1927 йилда қурилган бўлиб, 55 926 томошабинни ўз бағрига сиғдира олади. Бу арена маҳаллий олимпия ўйингоҳи сифатида тилга олинади. 1997 - 2009 йилларда бу аренада "Эспаньол" уй учрашувларини ўтказган.

Ўхшаш янгиликлар
championat.asia
Ўзбекистон Суперкубоги. "Нефтчи" — 2026 йилги Ўзбекистон Суперкубоги соҳиби.
Ла Лига. "Барселона" ўз майдонида "Севилья"ни тор-мор этди
Камолиддин Тожиев: "Эртанги ўйинга 100 фоиз шаймиз. Пенальтилар сериясига тайёрланмадик" (тўлиқ матбуот анжумани)
Opta. EЧЛ учун асосий даъвогарлар рейтингини қайтадан тузиб чиқди
Фикрлар