Карвахаль "Реал"даги жамоадошлари ҳақида: "ТОП 3 - Роналду, Рамос, Модрич. Беллингем - нима қилишни ярим қарашда биладиган футболчи"

Ҳимоячидан у бирга ўйнаган энг яхши футболчилар учлигини айтишни сўрашди. 31 ёшли испаниялик улар Криштиану Роналду, Серхио Рамос ва Лука Модрич дея жавоб берди.

Шу билан бирга у жорий мавсум жамоага қўшилган Жуд Беллингем ҳақида илиқ фикр билдирди

"Биринчи марта Беллингемга қараганимда, у нима қилаётганини биладиган футболчи эканлигини тушундим. У кўп қиррали футболчи, вазиятлардан фойдалана олади, иккала оёғи билан ўйнайди, ҳимоя ва ҳужумда яхши ҳаракат қилади. Унга тўп берасиз, у эса ярим қарашда нима қилиш кераклигини тушуниб олади" - дейди Карвахаль.