"Кузатишим бўйича ҳозирда "Ювентус" бир қатор қийинчиликларга учрамоқда ҳамда ўзларига бўлган ишончи йўқолган, бироқ ишонаманки, улар ўзлари келиб олишади ва мавсум охирида чемпионликка даъвогарлар сафида бўлади", — деди Анчелотти.
Бундан ташқари, италиялик мутахассис келгусида "Рома"ни бошқаришни хоҳлайсизми ёки йўқми деган саволга жавоб берди.
"Умид қиламанки, римликлар Моуринью қўл остида муваффақиятларга эришади", — дейди мураббий.
Эслатиб ўтамиз, Карло Анчелотти мавсум бошида "Реал"ни қабул қилиб олганди.
