Карло Анчелотти Бразилия терма жамоаси билан 2030 йилгача шартномасини узайтиради
23 янв 08:35
Янгиликлар

Карло Анчелотти Бразилия терма жамоаси билан 2030 йилгача шартномасини узайтиради

Бразилия футбол конфедерацияси ва мамлакат миллий терма жамоаси бош мураббийи Карло Анчелотти ҳамкорликни узайтириш бўйича оғзаки келишувга эришди.

Янги шартнома 2030 йилги Жаҳон чемпионати якунлангунига қадар амал қилади.

Октябр ойида бошланган музокаралар йил охирига келиб муваффақиятли якунланган ва италиялик мутахассис таклиф этилган шартларга розилик билдирган.

Анчелотти таътилдан сўнг 22 январь куни Рио-де-Жанейрога қайтади. Расмий шартномани имзолаш эса февраль ойининг дастлабки ҳафталарига режалаштирилган.

Айни пайтда Карло Анчелоттининг йиллик маоши тахминан 10 миллион еврони ташкил этиб, бу кўрсаткич миллий терма жамоалар бош мураббийлари орасида энг юқориси ҳисобланади.

Ҳавола :

Манба : Globo

Янгиликларни Телеграмда ўқинг!

Рейтинг: