Канте "Ал Иттиҳод"га ўтганидан кейин "Челси" мухлисларига мурожаат қилди

"Менинг орзум футболчи бўлиш ва совринлар ютиш учун ҳаракат қилиш эди. Бу ерга кўчиб ўтиш мен учун бу орзумга эришиш учун энг яхши вариант эди. "Челси"га келганимда биринчи кунданоқ менга бу ерда асосий мақсад ҳар доим совринлар ютиш эканлигини айтишганди. Ҳар доим.

Муваффақиятга эришдим ва бунга эришишимда ёрдам берган мураббийлар, жамоадошларим ва "Челси" мухлисларидан жуда миннатдорман. Бу клубдаги сўнгги йилларим ажойиб ўтди. Умид қиламанки, мухлисларда ҳам худди шундай ҳис бўлган", – деди Н'Голо Канте "Челси" расмий сайтига.

Эслатиб ўтамиз, франциялик футболчи "Ал Иттиҳод" билан шартнома имзолади ва клубда Карим Бензема билан бирга ўйнайди. Н'Голо Канте "Челси"да етти мавсум ўтказди ва "кўклар"га 2017 йилда АПЛ чемпионлигини, 2021 йилда эса Чемпионлар Лигасини қўлга киритишга ёрдам берди.