APL. "Liverpul" ortiqcha qiyinchiliksiz "Lester"ni mag'lub etdi
"Tulkilar" darvozasiga kiritilgan 2-gol Diogu Jotaning nomi yozildi. Bu gol hujumchi uchun "Liverpul" tarkibida maydonga tushgan so'nggi 6 o'yinidagi 7-si bo'ldi - "Atalanta" (5:0) darvozasiga xet-trik, "Sheffild" (2:1), "Midtyulland" (2:0) va "Vest Xem" (2:1) bilan o'yinlarda bittadan.
Bundan tashqari, 23 yoshli Diogu "Liverpul" tarixida jamoa uchun maydonga tushgan dastlabki 4 uy uchrashuvida gol urgan birinchi futbolchiga aylandi.
