"Жирона" спорт директори "Манчестер Сити" таклифини рад қилди
11 окт 2024 13:13
Янгиликлар

"Жирона" спорт директори "Манчестер Сити" таклифини рад қилди

"Жирона" спорт директори Кике Карсель "Манчестер Сити"да Чики Бегиристайн ўрнини эгаллаш имкониятидан воз кечди.

"Esports RAC1" хабарига қараганда, 50 ёшли мутахассис инглиз клубидан таклиф олган, бироқ у 2014 йилдан буён раҳбарлик қилиб келаётган "Жирона" лойиҳаси бошқарувида қолишга қарор қилган.

Бегиристайн "Манчестер Сити"да 2012 йилдан бери ишлайди ва миш-мишларга кўра, у жорий мавсум охирида клубни тарк этиши мумкин. Бироқ Карсель "Жирона"ни ривожлантиришни давом эттиришни хоҳламоқда.

"Жирона" айни пайтда 9 учрашувда 12 очко жамғарган ҳолда Испания чемпионати жадвалида 11-ўринда бормоқда. Карселнинг қарори унинг жамоани кучайтириш ва келгуси мавсумларда уни ривожлантириш истагини билдиради.

Ҳавола :

Манба : Esports RAC1

Янгиликларни Телеграмда ўқинг!

Рейтинг: +2