"Жирона" бош мураббийи "Барселона"га ўтадими?

"Барселона" энди "Жирона" устози Мичелни бош мураббий лавозимига кўриб чиқмаяпти. Бу ҳақда "El Nacional" хабар бермоқда.

Аввалроқ мутахассис Каталония клуби вакиллари билан учрашгани ҳақида хабар берилганди. Ушбу учрашувда испаниялик мураббий жамоа билан ишлаш бўйича талабларини айтиб ўтган.

Охирги хабарларга кўра, "Барселона" ҳозирда Мичел номзодини кўриб чиққани йўқ. Каталонияликларга мураббийнинг услуби ёқади, бироқ у илгари топ-клубда ишламагани уларни тўхтатиб қўйди. Худди шу сабабдан "кўк-анорранглилар" "Спортинг"да яхши иш олиб бораётган Рубен Аморимни олиб келмоқчи эмас.