"JFL-Tashkent" Бэйлнинг ҳуқуқини ҳимоя қиладиган агентлик билан ҳамкорликни йўлга қўяди
24 фев 2017 11:52
Янгиликлар

"JFL-Tashkent" Бэйлнинг ҳуқуқини ҳимоя қиладиган агентлик билан ҳамкорликни йўлга қўяди

Теглар : JFL-Tashkent

Жаҳонга машҳур "Stellar Football Ltd" агентлиги Европа андозаси асосида фаолият юритишни мақсад қилаётган "JFL-Tashkent" жамоаси билан ҳамкорлик қилишга келишиб олди.

Мазкур компания, жаҳоннинг етакчи агентликлари "Gestifute"дан (Жорже Мендеш. Мижозлари: Криштиану Роналду, Хамес Родригес, Анхель Ди Мария ва Диего Коста) кейин иккинчи ўринда туради.

Компания Гарет Бэйл, Люк Шоу ва Жо Харт каби жаҳон юлдузларига хизмат қилади.

Айнан шу ташкилот ўзбекистонлик ёшларни ҳам Европага кетишида ўзининг муносиб улушини қўшиши мумкин.

"Stellar Football Ltd"нинг Испания ва Португалиядаги раҳбари Луис Алонсо "JFL-Tashkent" билан ҳамкорликда иқтидорли ўзбекистонлик футболчиларга Европа эшикларини очиши режа қилинаяпти.

"Ўзим ўзбекистонлик бўлганлигим учун, Ватаним ўғлонларини Европада кўришни орзу қиламан. Сўнгги йиллар давомида Европа футболида катта тажриба тўпладим. "UEFA"нинг "B" лицензиясига эга бўлдим. Энди ўзимизникиларни Европага "учурма" қиладиган пайт келди деб ўйлайман. Бу борада, "JFL-Tashkent"нинг тутаётган роли менга маъқул келди. Улар ҳақида компаниямиз директори билан суҳбатлашганимда, ҳамкорлик қилсак икки томонга ҳам яхши бўлиши мумкинлиги ҳақида айтдилар", - дейди "Stellar Group" компаниясининг Осиё бўйича маслаҳатчи скаути Зокиржон Холиқов.