Жексон "Тоттенхэм"га қарши ўйин ҳақида: "Биз муҳим ўйинларда ғалаба қозонишни ният қилгандик"
07 ноя 2023 14:14
Янгиликлар

Жексон "Тоттенхэм"га қарши ўйин ҳақида: "Биз муҳим ўйинларда ғалаба қозонишни ният қилгандик"

"Челси" ҳужумчиси Николас Жексон АПЛ 11-туридан ўрин олган "Тоттенхэм"га қарши ўйин натижасини (4:1) сарҳисоб қилди. 22 ёшли сенегаллик футболчи хет-трикни расмийлаштирди.

"Жуда хурсандман. Бу менинг биринчи хет-тригим, шунинг учун Англия ва дунёнинг энг йирик клубида буни амалга оширганимдан хурсандман. Мен доимо яхшиланишим ва ўз устимда кўпроқ ишлашим керак. "Тоттенхэм"нинг ажойиб стадиони ва ажойиб мухлислари бор, шунинг учун астойдил курашишимиз ва ғалаба қозонишимиз керак эди. Улар 9 киши бўлиб ўйнашди, лекин ўз руҳларини сақлаб қолишди. Биз муҳим ўйинларда ғалаба қозонишни ният қилгандик. Жаамоа ичида ишонч пайдо бўла бошлади", – деди Жексон.

Ўйиннинг 33-дақиқасида Кристиан Ромеро майдондан четлатилганидан кейин мезбонлар 9 киши қолди, 55-дақиқада "шпорлар"нинг яна бир ҳимоячиси Дестини Удожи қизил карточка олди.

Ушбу ўйиндан кейин "Челси" 15 очко билан мусобақа жадвалида ўнинчи ўринда, "Тоттенхэм" 26 очко билан иккинчи ўринда бормоқда.

Ҳавола :

Манба : Sky Sports

Янгиликларни Телеграмда ўқинг!

Рейтинг: +1