– ОКМК ғалабасига кўпчилик ишонганди. Шахсан ўзим стадионда энди ноутбугимни ўчириш пайида бўлганимда рақиб жамоа голига гувоҳ бўлдим. Сўнгги дақиқада ўтказиб юборилган голга нима сабаб бўлди деб ўйлайсиз: диққатнинг йўқолишими ёки жисмоний толиқиш?
– Менимча, бугун ёмон ўйнамадик. Хавфли вазиятлар юзага келтирдик. Ўйин сўнгида диққатни жамлаш етишмаяпти, сабаби ёш футболчиларимиз кўп. Бугунги ўйинимиз олдингиларига қараганда яхшироқ бўлди. Кейинги ўйинларда мухлисларимизни ғалаба билан хурсанд қиламиз деб ўйлайман, сабаби анчадан бери уларни хурсанд қила олмаяпмиз.
– Ўтган мавсум ОКМК иштирокидаги ўйинларда тескари сценарийлар гувоҳига айланардик, яъни ОКМК одатда сўнгги дақиқаларда камбэк амалга оширарди. Етакчиларнинг клубни тарк этгани натижаларга таъсир қилаётгандек, назаримда.
– Бизда янги жамоа шаклланяпти, шу боис камбэк амалга ошира олмаяпмиз. Вақт ўтиши билан кучлироқ бўлиб қайтамиз.
– Апрелда жамоаларни тиғиз ўйинлар кутиб турибди. Жамоа тўрт кундан сўнг "Андижон"га қарши ўйнайди. ОКМК "Boxing Day"га тайёрми?
– Кучимиз етади. Бизда ўйинчилар кўп, мураббий ротация қилади. Битта биз эмас, ҳамма жамоада шундай. Қайси жамоанинг таркибида ресурс кам бўлса, қийинчиликка дуч келиши мумкин.
