Жамшид Болтабоев: “Эртанги ўйиндаги ғалаба мустақиллик байрами учун ажойиб совға бўлади”
31 авг 2016 17:59
Янгиликлар

Жамшид Болтабоев: “Эртанги ўйиндаги ғалаба мустақиллик байрами учун ажойиб совға бўлади”

Эртага Ўзбекистон миллий терма жамоаси ЖЧ 3-саралаш босқичи доирасида гуруҳдаги биринчи учрашувини Сурия терма жамоасига қарши ўтказишидан хабарингиз бор.

Тошкентнинг “Пахтакор” клуби футболчиси Жамшид Болтабоев эртанги ўйин олдидан термамиз аъзоларига омад тилади ва мустақиллигимизнинг 25 йиллиги байрами билан Ўзбекистон халқини муборакбод этди.

“Миллий терма жамоа йиғинларида иштирок этганим учун эртага термамиз футболчилари Сурия термасига қарши қандай ўйин кўрсатишларини биламан. Термамизнинг ички муҳити жуда ҳам аъло даражада. Ёши катта футболчилар ўзидан кичик бўлган жамоадошларига керакли бўлган маслахатларни беришади. Эртанги ўйин учун 20 августда тайёргарлик бошланган эди. 24 афгуст куни Африканинг Буркина-Фасо термасига қарши назорат учрашувини ўтказишди. Ўша баҳсда ҳам ёмон ўйин кўрсатишмади деб ўйлайман. Ўртоқлик ўйини билан расмий ўйинни фарқи бўлади. Мухлислар билан бирга Ўзбекистон миллий терма жамоасини қўллаб-қувватлаб турсак вакилларимиз бизга ғалабани тақдим этишади. Терма жамоамизга эртанги ўйинда фақат омад тилаб қоламиз. Термамиз гуруҳдаги илк учрашувни ўз уйида ўтказяпти. Эртага ғалаба қозонишса нур устига аъло нур бўлар эди. Мустақиллигимизнинг 25 йиллиги учун ҳам ажойиб совға бўлади. Илк баҳсдаги ғалаба келгуси ўйинларда жуда катта куч бағишлайди. Мустақиллигимизнинг 25 йиллиги билан бутун Ўзбекистон ахлини чин қалбимдан табриклайман. Ҳар доим юртимиз тинч ва осойишта бўлсин. Барчани мустақиллик байрами билан чин қалбимдан табриклайман” - дейди “Пахтакор” клуби футболчиси Жамшид Болтабоев

Жаҳонгир Сотволдиев

Ҳавола :

Манба : championat.asia

Янгиликларни Телеграмда ўқинг!

Рейтинг: +7