Мамлакат футбол федерацияси бу қарор жамоани финал босқичига тайёрлаш борасидаги келишмовчиликлар туфайли қабул қилинганини айтди.
Эслатиб ўтамиз, 69 ёшли Ҳалилхожич 2019 йилнинг августидан буён шимолий африкаликларни бошқариб келаётганди.
Мутахассис жорий йил Камерунда бўлиб ўтган Африка Миллатлар кубогида жамоани чорак финалгача олиб чиқди, қолаверса, март ойида ўтказилган саралаш босқичида Конго Демократик Республикаси устидан умумий 5:2 ҳисобида ғалаба қозониб, жаҳон чемпионати йўлланмасини қўлга киритганди.
