Италия ТЖга гол ургани учун футболчи клубдан ҳайдалган
25 июл 2022 09:00
Янгиликлар

Италия ТЖга гол ургани учун футболчи клубдан ҳайдалган

“Перужа” собиқ ҳимоячиси Раҳмон Ризои жамоадаги шериги Ан Жон Хваннинг клубдан кетиши билан боғлиқ воқеани эсга олди.

Унинг маълум қилишича, Хван ЖЧ-2002 1/8 финали Италияга қарши ўйинда (2:1) ғалаба голини ургани учун “Перужа” раҳбари Лучано Гауччи футболчини клубдан хайдашга қарор қилган. Мазкур тўп қўшимча бўлимда киритилганди.

“Ўшанда президентнинг қаттиқ жаҳли чиққанди. Ан ҳакамларнинг хатосидан кейин гол урганди. Хван профессионалларча иш тутди, яъни, ўзига юкланган вазифани уддалади, Гауччи эса ўзини жуда хунук кўрсатиб қўйди”, дейди Ризои.

2002 йилги мундиалда мезбонлардан бири Ж.Корея италияликлардан кейин Испанияни мағлуб қилиб, ярим финалга йўл олган ва Германияга 0:1 ҳисобида ютқазганди. Бронза медали учун баҳсда эса кореяликлар Туркияга имкониятни бой (2:3) берганди.