"Биз бу ҳодисадан қаттиқ афсусдамиз: қарор очиқ-ойдин хато бўлгани учун ҳам, уни тузатиш мақсадида VAR'дан фойдалана олмаганимиз учун ҳам", – деди Рокки.
Рокки, шунингдек, мазкур ўйин ҳаками қаттиқ руҳий тушкунликка тушганини ва ҳакамлар корпуси уни қўллаб-қувватлаётганини билдирди.
"Лекин сизга ростини айтишим керак, хато қилган ягона одам у эмас: яққол симуляция ишлатилган фоль ҳам бор эди", – дея қўшимча қилди Рокки.
Италия А Серияснинг 25-тури марказий ўйини – "Интер" ва "Ювентус" ўртасидаги баҳс (3:2) ҳакамлик билан боғлиқ можаро билан якунланди. Биринчи тайм охирида Турин клуби ҳимоячиси Пьер Калулу қизил карточка олган эпизод катта эътирозларга сабаб бўлди.
Ҳакамнинг қарори "Ювентус" мураббийлар штаби томонидан кескин реакцияга сабаб бўлди, танаффус учун ҳуштак чалинганидан сўнг эса туннель қисмида клуб вакиллари билан учрашув ҳаками ўртасида жанжал чиқиб кетишига бир бахя қолди.
Аввалроқ "Ювентус" директори Жоржо Кьеллини ҳакамлик борасида кескин фикр билдирган, Милан шаҳри мэри Жузеппе Сала эса унга жавоб қайтарган эди.
