Испания чемпионати. “Барселона” етакчиларсиз “Атлетик”ни доғда қолдирди
04 фев 2017 22:09
Янгиликлар

Испания чемпионати. “Барселона” етакчиларсиз “Атлетик”ни доғда қолдирди

Испания чемпионатининг 21-турида “Барселона” футболчилари ўз майдонларида Билбаонинг “Атлетик” клубини йирик ҳисобда мағлуб этишди.

Жароҳатланган Иньеста ва Бускетсдан ташқари мазкур беллашувни Суарес, Маскерано, Алба сингари жамоанинг етакчи футболчилар захирада қолдирилди.

Шунга қарамай каталонияликлар принципиал рақиби устидан йирик ғалабани тантана қилди.

Учрашувнинг 18-дақиқасида Неймарнинг ажойиб пасидан кейин Пако Алкасер Ла Лигада “Барса” таркибида илк голини киритди. 40-дақиқада “Барса” сардори Лионел Месси ўткир бурчак остида белгиланган жарима тўпини қойилмақом тарзда рақиб дарвозасига аниқ йўллади. 67-дақиқада Алеиш Видаль рақиб ҳимоячиларни ажойиб тарзда алдаб ўтиб,ўйинга нуқта қўйди – 3:0.

Испания чемпионати, 21-тур.

“Барселона” – “Атлетик” 3:0

Голлар:1:0 – 18 Пако Алькасер, 2:0 – 40 Месси, 3:0 – 67 Алеиш Видаль.

“Барселона”: Тер Штеген, Пике (Маскерано, 46), Матье, Умтити, Алеиш Видаль, Рафинья (Ракитич, 54), Туран, Андре Гомеш, Месси (Сержи Роберто, 64), Пако Алькасер, Неймар.

“Атлетик”: Ирайсос, Иньиго Лекуэ (Адурис, 52), Баленсиага, Йерай Альварес, Де Маркос, Итурраспе, Сан Хосе (Беньят, 59), Муниаин, Рауль Гарсия (Эрасо, 74), Иньяки Уильямс, Лапорт.

Огоҳлантириш:Пике (22), Итурраспе (27), Де Маркос (34), Лапорт (70).