Исак йил сўнгигача сафдан чиқди

"Ньюкасл" Исакни ўтган ёзда "Реал Сосьедад"дан 63 миллион фунт стерлингга сотиб олиб, трансфер рекордини янгилаган эди. Ўшандан бери Александер бор-йўғи 3 та ўйинда майдонга тушди ва 2 та гол урди.

Исак 17 сентябрдан буён майдонга тушмаяпти, Александер эса яқинда машғулотларда сонидан олган жароҳатини қайталаб олди, деб ёзади "Daily Mail".

Исак энди ЖЧ-2022гача бўлган ўйинларда иштирок этмайди. Швеция терма жамоаси Қатардаги турнирга чиқа олмагани учун 23 ёшли ҳужумчи декабрь ойида яна футбол ўйнай олади.