"Интер" Мартинес учун истисно қилишга тайёр

Футболчини таркибда узоқ вақтга сақлаб қолиш учун "нерадзурри" истисно сифатида клубнинг ойликлар тузилмасини бузишга тайёр. Мартинес атрофидаги вазиятни Европанинг кўплаб топ-клублари кузатмоқда, аммо "Интер" форвардни ўз сафида сақлаб қолмоқчи ва йилига 10 миллион евро тўлашга ҳам рози (ҳозир Мартинеснинг маоши 6,5 миллион евро).

Аргентиналик Италия клуби сафида 2018 йилдан буён ҳаракат қилади. Унинг шартномаси 2026 йилгача амал қилади. Бу мавсум Мартинес А Серия ва Чемпионлар Лигасида 19 ўйинда майдонга тушиб, 15 та гол урди ва 3 та голли узатма етказиб берди.

"Transfermarkt" портали 26 ёшли форвардни 100 миллион еврога баҳоламоқда.