"Интер" Кессьени "Барса"дан тортиб олмоқчи

25 ёшли ярим ҳимоячи ёзда "Милан" билан шартномаси тугаганидан кейин Каталония клуби сафига бориб қўшилган эди. "Нерадзурри" майдонда доимий ўйин амалиётини ваъда қилиб ивуарлик футболчини Италияга қайтаришга умид қилмоқда. Футболчи гарчи Хави Эрнандес уни ушбу мавсумда Ла Лигада атиги 2 та ўйинда бошланғич таркибга киритган бўлса-да, мавсум охиригача "кўк-анорранглилар" таркибида қолишни афзал кўрмоқда.

Кот-д'Ивуар терма жамоаси вакили "Барселона" билан 2026 йил ёзига қадар кучда бўладиган шартнома имзолаган. Кессье айни пайтда жароҳатидан тузалиш жараёнидан бўлиб, у 14 декабрда сафга қайтиши кутилмоқда.