"Интер" билан ўйинда ҳушини йўқотган Эдоардо Бове футболга қайтмаслиги мумкин
05 дек 2024 11:39
Янгиликлар
"Интер" билан ўйинда ҳушини йўқотган Эдоардо Бове футболга қайтмаслиги мумкин
А Сериянинг 14-турида "Интер"га қарши ўйинда ҳушини йўқотиб, реанимацияга тушиб қолган "Фиорентина" ярим ҳимоячиси Эдоардо Бове катта футболга қайтмаслик эҳтимоли бор.
Бу ҳақда Италиянинг "La Nazione" нашри хабар берди.
Манбага кўра, ярим ҳимоячи Бове энди футбол ўйнай олмай қолиши хавфи бор. Ҳозир у реанимация бўлимидан кардиология бўлимига ўтказилган. Тўғри ташхисни аниқлаш учун тестлар давом этмоқда.
Агар таҳлиллар юрак патологиясининг намоён бўлишини тасдиқласа, у вақт ўтиши билан спортчини касалнинг қайталанишига дучор қилади. Шунинг учун ҳам дефибриллятор имплантацияси талаб қилинади. Спорт тиббиёти кўрсатмаларига кўра, дефибрилляторли спортчилар рақобатбардош спорт машғулотларида қатнашиши тавсия қилинмайди.
Эдоардо Бове жорий мавсум "бинафшаранглилар" сафида 15 ўйин ўтказиб, 1 та гол урди ва 3 та голли узатмани амалга оширди.
Ўхшаш янгиликлар
championat.asia
Англия кубоги. "Манчестер Сити" финалда "Кристал Пэлас"га мағлуб бўлиб, жорий мавсумда соврин ютиш имкониятини қўлдан чиқарди
Суперлига. "Шўртан" мавсумдаги илк ғалабасини бир киши кам бўлиб қолган "Андижон" устидан қўлга киритди
Ла Лига. "Реал Мадрид" сўнгги дақиқада гол уриб, "Мальорка"ни мағлубиятга учратди. "Барселона" чемпионликни ўзи ҳал қилишига тўғри келади
"Барселона" - Испаниянинг 28 карра чемпиони!
Фикрлар