"Интер" "Барса" билан бўладиган битимда Лаутаро билан Артурни алмаштирмоқчи

Миланликлар Лаутаро Мартинесни ўз сафига қўшиб олишни хоҳлаётган каталонияликлардан 23 ёшли хавбекни сўраши мумкин.

Бразилиялик футболчига шахсан "нерадзуррилар" бош мураббийи Антонио Конте қизиқиш билдирмоқда.

"Интер" Лаутаро учун 150 миллион евро сўрамоқда, "Барселона" шу сабабдан нархни тушириш учун ўз футболчиларидан кимнидир битимга қўшиши мумкин.

Артурнинг трансфери 2 йил аввал "кўк-анорранглилар" учун бонуслардан ташқари 31 миллион еврога тушган.