Игорь Шквирин: “Обод” ҳурматга лойиқ жамоа, агар...”

- Ўзимизнинг айбимиз билан ютқаздик. Бугун “Обод” футболчилари майдонда яхшироқ кўринишди. Ғалабага бўлган иштиёқ уларга катта куч берди. Қолаверса, мезбонларда комбинацион футбол ҳам ўхшади. Аслида бу жамоа ҳурматга лойиқ. Агар “арабча футбол синдироми”ни йўқ қилишса, уларга бўлган ҳурмат янада ошади.  

Қизил карточкалар борасида нима дейман? Гоголь иккинчи сариқдан сўнг, майдондан четлатилди. Ўша вазиятда ҳакам унга яқин турганди. Демак, ҳакам барчасини кўрган. Туроповнинг қўполлигини очиғи, кўрмадим. Шу боис, бир нарса дея олмайман. Аниғи шуки, учрашувни ойнаи жаҳон орқали томоша қилган танишларим қўнғироқ қилиб, нега қизил карточка кўрсатилганини тушунмаганини айтди. Ҳакамнинг ўзидан сўраганимизда, бунинг сабабини тушунтириб берди. 

“Обод” ФК матбуот хизмати