Иброҳим Ибрагимов: "Мақсадим – "Пахтакор" билан яхши натижалар кўрсатиш"

"Халқ жамоаси ҳисобланган "Пахтакор"га ўтганимдан хурсандман. Олимпия терма жамоасидаги иштирокимизни якунлаб, янги клубимга қўшилдим. Бугун собиқ клубимиз "Олимпик"ка қарши ўйнадик ва шу орқали Ўзбекистон чемпионатига тайёргарликни давом эттирдик", - деди Иброҳим Ибрагимов.

- Жамоадаги муҳит қандай?
- “Пахтакор”даги муҳит аъло даражада, яхши кутиб олишди. Кўпчилик футболчилар таниш, тенгқурларим ҳам бор, акаларимиз ҳам бор. Бир оила бўлиб ҳаракат қиляпмиз.

- Бош мураббий билан гаплашиб олдингизми? У сизга нималар деди?
- Бош мураббий ва раҳбарият билан гаплашиб олдик. Ўзбекистон чемпионатида ғолиб бўлиш, мамлакат кубогини ҳам қўлга киритиш керак. Элит Осиё чемпионлар лигасида ҳам максимал иштирок этишни мақсад қилганмиз.

- Шахсий мақсадларингиз қандай?
- Бу йилги мақсадим, аввало, “Пахтакор” билан яхши натижалар кўрсатиш. Яна бир мақсадим – Ўзбекистон миллий терма жамоасида ўйнаш. Келажакда эса Европанинг энг яхши клубларида тўп тепиш.