"Ҳусановни биринчи марта кўрганимда, "Янги ван Дейк ўсиб бормоқда" деб айтганман"
05 мар 2025 21:00
Янгиликлар
"Ҳусановни биринчи марта кўрганимда, "Янги ван Дейк ўсиб бормоқда" деб айтганман"
– Нега ўзбек Абдуқодир Ҳусанов 20 ёшида "Манчестер Сити"да ўйнаяпти, бизда эса ундай марказий ҳимоячи йўқ?
– Бу айнан мураббий меҳнатининг натижаси. Мен улуғ Анатолий Иванович Юревич, устозимни яхши биламан. У бу болани Белявский билан бирга "Энергетик-БГУ"га олиб борди ва уни бутунлай янги даражага олиб чиқди, тайёрлади. "Алания" бош мураббийи бўлиб ишлаган давримда Ҳусановни биринчи марта видеода кўриб, "бўлажак ван Дейк ўсиб бормоқда", дегандим.
– Қўйсангиз-чи...
– Ростан. Бу қисман ҳазил сифатида айтилганди, лекин йигитча ҳақиқатан ҳам менда кучли таассурот қолдирганди. У буюк футболчи бўлиб етишиши мумкин деб ўйлагандим. Юревичнинг йигитларга бўлган муносабатини билиб, Абдуқодирда "отиш" қобилияти борлигини тушунгандим. Улар болани тарбиялаб, яхши ҳолатда "Ланс"га, кейин эса "Манчестер Сити"га сотишди. Мана ҳақиқий намуна. Бу ерда асосий нарса футболчига индивидуал ёндашишда эди. Биз ҳам худди шундай қилишимиз керак. Ўйинчини олиб, уни муайян вазифага тайёрлаш зарур. Футболчиларни муаммолари ва камчиликлари билан бирга яхши кўриш керак.

20 ёшли Ҳусанов 20 январь куни 45+5 млн евро эвазига "Ланс"дан "Манчестер Сити"га ўтганди. Ҳимоячи "шаҳарликлар" сафида 6 ўйинда 1 та гол урди ва жамоада февраль ойининг энг яхши футболчиси бўлиб учун курашмоқда.
Ўхшаш янгиликлар
championat.asia
Ла Лига. "Барселона" меҳмонда "Реал Сосьедад"га мағлуб бўлди
Нани: "Роналдунинг 1000 та гол уриши осон. У бунинг учун керак бўлса энг кучсиз лигага кетади. Унга ҳужжатлаштирилган 1000 та гол керак - Пеле ва Ромарио каби урилган эмас”
ЕЧЛ. "Будё Глимт" ўз уйида "Манчестер Сити"ни ишончли тарзда мағлубиятга учратди. Ҳусанов тўлиқ ўйнади
Равшан Ҳайдаров: "Ўйин бўйича ҳеч қандай уяладиган жойимиз йўқ"
Фикрлар