Ҳамидулло Абдунабиев: Шуни унутмаслик керакки, биз мусобақа пешқадамига қарши майдонга чиққан эдик"

"Шуни унутмаслик керакки, биз тур аввалида 1-ўринда бораётган жамоага қарши майдонга тушдик. Шу боис, бизни қийин ўйин кутиб туришини билардик. Нафақат жисмонан, балки руҳан тайёргарлик кўришга ҳаракат қилдик. Ҳаво иссиқлиги ҳам иккала жамоа футболчиларига таъсир ўтказди. Муҳими, ғалаба қозондик. 

Аввалги ўйинларда вазиятлардан фойдаланишда сусткашликка йўл қўйдик. Шу боис ғалаба қозониш қийин бўлди. Ўйлайманки, кейинги учрашувларда камчиликларни бартараф этиб, ғалабаларни бардавом қилишга ҳаракат қиламиз.

Мураббийларнинг кўрсатмалари асосида ўзимга бўлган ишонч ортиб бормоқда. Шу боис, тўп билан ҳаракат қилишда ҳамда ҳаводаги узатмаларга чиқишда камроқ хатога йўл қўйиб, дадил ўйин намойиш этишга уриняпман. Қолаверса, бизни қўллаб-қувватлаётган мухлислар ҳам далда беради", 22 ёшли футболчи.