UZ

Ҳам Ўзбекистон, ҳам Қозоғистон терма жамоасида ўйнаган Қайрат Ўтабоев бугун 39 ёшга тўлди! Янгиликлар

Ҳам Ўзбекистон, ҳам Қозоғистон терма жамоасида ўйнаган Қайрат Ўтабоев бугун 39 ёшга тўлди!

Бугун ўзбекистонлик футбол мухлисларига яқиндан таниш бўлган футболчилардан яна бири, "Пахтакор" таркибида Ўзбекистон, "Қайрат" ва "Шахтёр" сафида Қозоғистон чемпиони бўлган Қайрат Ўтабоев ўз таваллуд айёмини нишонлаяпти.

Қайрат Ўтабоев – Ўзбекистонда туғилган қозоғистонлик футболчи. 2000-2003 йилларда “Пахтакор” шарфини ҳимоя қилган. Қанот ҳимоясида ўйнаган Қайрат рақиб ҳужумчилари учун ҳақиқий бош оғриғига айланган. Футболчи “шерлар” сафини тарк этгач, Қозоғистонинг бир қатор клубларида ўйнади. Орада 2009 йил “Андижон” шарафини ҳимля қилди. Ўтабоев футболчилик фаолиятини 2012 йилда тугатган. Эътиборлиси Қайрат 2002 йил Ўзбекистон терма жамоасида майдонга тушган, 2005-2007 йилларда эса Қозоғистон терма жамоасида ўйнаган. 

Ўтабоев ўзбекистонлик футбол ишқибозларига "Пахтакор" ва "Андижон"даги ўйинлари билан яхши таниш. Айнан шонли жамоа таркибида у Ўзбекистон чемпиони бўлган, мамлакат кубогини қўлга киритган. Шунингдек, Қайрат "Қайрат" ҳамда "Шахтёр" клублари сафида Қозоғистон чемпиони ҳам бўлган. Тошкент вилоятида туғилган Ўтабоев ҳозирда Нур-Султан шаҳрида яшаяпти.

1980 йилнинг 16 июль куни Тошкент вилоятида дунёга келган Қайратнинг болалик йиллари Янгибозорда ўтди. Отаси Комил ака футбол мураббийи бўлгани учун миллионлар ўйинига қизиқиш ўз-ўзидан оилавий муҳит таъсирида юзага келди. Илк сабоқни айнан отасидан олган. 1997 йилнинг 16 июнь куни илк профессионал шартномасини кимсан "Пахтакор" клуби билан имзолаган ва то 2003 йилга қадар кўпчилик учун армон бўлиб қолган клуб шарафини ҳимоя қилган. Қайратга нима учун Қозоғистонга кетгандингиз, деб берган саволимга у шундай жавоб берганди.  

- Ўша пайтда "Қайрат" жамоасидан ҳар томонлама манфаатли таклиф бўлганди. Бунга рад жавобини бера олмасдим. Тўғри, Ўзбекистон клубларидан ҳам чорлов бўлганди. Лекин "Қайрат" варианти яхшироқ кўринганди. Ҳозир шу мамлакат фуқаросиман. Лекин ота-онам, қариндошларим Тошкентда яшашади. Ўзбекистон менинг ватаним! Шу юртда дунёга келдим, футболчи сифатида танилдим. Озми-кўп мухлислар эътиборига тушдим. Ҳаммаси учун раҳмат. Мен Қозоғистон, ҳам Ўзбекистон терма жамоалари сафида ўйнашга муваффақ бўлганман. Бунга ФИФА томонидан қаршилик бўлмаганми? Бу мавзуда менга жуда кўп савол беришади. Маълум муддат Ўзбекистон ёшлар термаси шарафини ҳимоя қилдим. Миллий терма жамоадан таклиф олдим ва бир марта Словакияга қарши ўртоқлик учрашувида майдонга тушдим. 2004 йили оилам билан Қозоғистонга кўчиб ўтдим ва у ерга боришим билан фуқароликни қабул қилдим. Кейин кутилмаганда Қозоғистон терма жамоасидан чорлов бўлди. 

Ўтабоевнинг блиц саволларга жавоби:

- Қайрат Ўтабоевнинг мухлислик қиладиган жамоаси?

- Ўзбекистон ва Қозоғистоннинг барча ёш тоифасидаги терма жамоаларига мухлислик қиламан. Шунингдек, Италия терма жамоасига ҳам ишқибозман. 

- Ёқтирган машина русумингиз?

- "Мерседес" маркали машиналар ёқади.

- Таом пиширишни биласизми? 

- Албатта. Ошхона - севимли жойим. Очиғи, ўзбекча тўй ошини соғиндим. 

- Қандай фильмларни томоша қиласиз?

- "Шиндлернинг рўйхати", "Клокло", "Сталинград" фильмлари маъқул келган. Ўзи болаликдан тарихий жанрдаги картиналарни севиб томоша қиламан.

- "Барселона" ёки "Реал"?

- Шубҳасиз, "Барса". 

Бизнинг маълумот

Қайрат Ўтабоев - 1980 йил 16 июлда Тошкент вилоятида туғилган. Тошкентдаги собиқ номи билан айтганда, Республика олимпия захиралари коллежида таҳсил олган. Илк мураббийи - отаси Комил ака Ўтабоев. "Пахтакор" жамоаси тарбияланувчиси. "Шерлар" таркибида мамлакат чемпионлиги ва кубогини қўлга киритган. Шундан сўнг, Қозоғистоннинг "Қайрат", "Олма-Ота", "Мегаспорт", "Шахтёр" ва "Иртиш" клубларида ўйнаган. Орада, 2009 йил «Андижон» сафида ҳам тўп сурган. Қозоғистон миллий терма жамоаси таркибида 10 та ўйин ўтказган. Ўзбекистон терма жамоаси либосида эса Словакияга қарши ўртоқлик учрашувида майдонга тушган. 

Қўлга киритган ютуқлари

2001-2002 - кубок ("Пахтакор")

2002 - чемпион ("Пахтакор")

2004 - чемпион ("Қайрат")

2003 - кубок ("Қайрат")

2005 - бронза ("Қайрат")

2011 - чемпион ("Шахтёр")

2012 - кумуш ("Иртиш")

Рейтинг: +15   

Фикрлар

   
17 июл 14:53:08
Adilbek
KAyrat lyuboyin mayirat
   
17 июл 09:23:54
aral2019
Мен еследим себеби каракалпактын жанажан камандасы Туран(хазирги арал) сол жыллары жокары лигада ойнайтугын еди ол Нокиске келди 5 ши я 6 номерде ойнайтын еди
   
17 июл 08:32:40
oybek 13
manutd_and фойдаланувчининг фикрига жавоб бериш
3:0ga yutganmidik bir safar
Dramatik 3 2 bògan 3 0 tògrisi esimda yòq
   
17 июл 08:31:22
oybek 13
Javohir Iskhakov фойдаланувчининг фикрига жавоб бериш
Yoshmasman ja ))
Men 31 daman bemalol esleman
   
16 июл 23:48:04
manutd_and
oybek 13 фойдаланувчининг фикрига жавоб бериш
Levan tushib 2 2 qilgan va neftchi muxlislariga jimmm degini ko‘z oldimda xozr xam
3:0ga yutganmidik bir safar
   
16 июл 23:19:37
Javohir Iskhakov
oybek 13 фойдаланувчининг фикрига жавоб бериш
Yosh bo‘sez kereda sevimli Andijon jamoamizda gullagan davrida o‘ynagan
Yoshmasman ja ))
   
16 июл 22:14:03
Neftchi +Fergana
С днём рождения. Я хорошо помню этого игрока
   
16 июл 21:49:36
Barselona, Pakhtakor
Кайрат яхши таниман. Кушни махалладан. Укаси Чингиз билан дуст эдик. Тугилган кун муборак
   
16 июл 21:49:09
Barselona, Pakhtakor
Кайрат яхши таниман. Кушни махалладан. Укаси Чингиз билан дуст эдик. Тугилган кун муборак
   
16 июл 21:10:42
Dilmurodbek_Real m
Kim edi u òzi
   
16 июл 20:23:56
oybek 13
manutd_and фойдаланувчининг фикрига жавоб бериш
Chap qanotning haqiqiy qiroli edi a? Neftchini yutganimizda kko'rsatgan o'yini ko'z oldimda. Avjiga chiqqandi Qayrat shu kuni
Levan tushib 2 2 qilgan va neftchi muxlislariga jimmm degini ko‘z oldimda xozr xam
   
16 июл 19:49:43
Марфуша! Ғам-ғуссага не ҳожат.
Temurov T фойдаланувчининг фикрига жавоб бериш
Unday demagan Ozbekiston uni chaqirtirmay qoygandi.
Аниқ айтган эсимда. Сотқин деб ҳамма ёмонлаб чиқган эди. Эсимдан чиқмайди бу - Криса!
   
16 июл 19:48:19
manutd_and
oybek 13 фойдаланувчининг фикрига жавоб бериш
Yosh bo‘sez kereda sevimli Andijon jamoamizda gullagan davrida o‘ynagan
Chap qanotning haqiqiy qiroli edi a? Neftchini yutganimizda kko'rsatgan o'yini ko'z oldimda. Avjiga chiqqandi Qayrat shu kuni
   
16 июл 19:31:10
Temurov T
Марфуша! Ғам-ғуссага не ҳожат. фойдаланувчининг фикрига жавоб бериш
Шу футболчи эди. Эсимда Ўзбекистон терма жамоасида ўйнамайман деган.
Unday demagan Ozbekiston uni chaqirtirmay qoygandi.
   
16 июл 19:30:00
oybek 13
Javohir Iskhakov фойдаланувчининг фикрига жавоб бериш
Italia digani uchun respect (ozi tanimiman bu odami)
Yosh bo‘sez kereda sevimli Andijon jamoamizda gullagan davrida o‘ynagan
championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг