UZ

Сўнгги янгиликлар

02:05ЕЧЛ. "Бавария" Мюнхенда "Челси"ни мағлубиятга учратди  17 02:05ЕЧЛ. "Ливерпуль" охирги дақиқалардаги гол эвазига камбэк қилаёзган "Атлетико"ни таслим этди. ПСЖ ва "Интер" ўз ўйинларида ғалаба қозонишди  25 00:53"Реал"нинг Хёйсенни четлатилиши бўйича берган апелляцияси рад этилди  0 00:30ОЧЛ-2. "Аркадағ" - "Андижон" 0:0  3 23:54ОЧЛ 2. Эроннинг "Истиқлол" клуби "Ал Васл"га ўта йирик ҳисобда мағлуб бўлди. Ўзбек футболчилари қайдномада йўқ эди  2 22:53ОЧЛ 2. "Андижон"нинг гуруҳидаги иккинчи ўйинда ҳам дуранг қайд этилди  23 22:32Тақиқланган модда Мудрикнинг қонига терма жамоа йиғини пайт тушгани маълум бўлди  0 22:02Анри "Арсенал" ҳақида: "Уларда деярли иккита жамоа мавжуд. Бу йил албатта бирор нарса ютиш шарт"  3 21:10Хейсен «Сосьедад»га қарши ўйиндаги ўз четлатишини ВАР бекор қилиши керак эди деб ҳисоблайди  6 20:38ОЧЛ-2. "Андижон" меҳмонда "Аркадағ" билан дуранг ўйнади  125 19:36Гвардиола «Ман Сити»ни ЧЛда ғолибликка даъвогар деб ҳисобламайди: «Аниқ йўқ. Фақат лаҳзалардан роҳатланиб, бу ерда бўлганимиздан хурсандмиз»  6 18:31Собиқ ҳакам Буррул «Реал»нинг иккинчи пенальтиси ҳақида: «Нотўғри белгиланган. Ўйинчи йиқилди, қўл ҳаракати табиий»  35 17:29"Қизилқум" майдондан чиқишни хоҳламаган футболчи билан шартномани бекор қилди  14 17:15Қайси клуб ҳозирги таркиби учун энг кўп пул сарфлаган?  10 16:50Пролига 15-турида ишловчи расмийлар  0

"Ҳали асосий мақсадимга эришганим йўқ" - "Динамо"нинг 2021 йилдаги энг яхши футболчиси Шоҳруҳ Абдураҳмонов Янгиликлар

"Ҳали асосий мақсадимга эришганим йўқ" - "Динамо"нинг 2021 йилдаги энг яхши футболчиси Шоҳруҳ Абдураҳмонов

Самарқанднинг "Динамо" жамоаси 2021 йил Про лига якунларига кўра иккинчи ўринни эгаллади ва Суперлигага йўлланма олди.

Бир сўз билан айтганда Самарқандга катта футбол қайтди. Бунда эса жамоадаги барча ўз ҳиссасини қўшди. Хабарингиз бор, "Динамо" жамоаси бир неча йиллардан бери ҳар мавсум охирида энг яхши футболчини тақдирлаш анъанасини йўлга қўйиб келмоқда. Жорий мавсум ушбу эътироф майдонда ҳаракатлари ва узоқдан йўлланган голлари билан ажралиб турган Шоҳруҳ Абдураҳмоновга насиб қилди. Биз "Нефтчи" билан кечган сўнгги тур баҳсидан сўнг уни суҳбатга чорладик. 

- "Динамо" икки йиллик танаффусдан сўнг Суперлига йўлланмасини қўлга киритди. Вазифа муддатидан аввал бажариб бўлингани навбатдаги учрашувларга салбий таъсир қилгани яққол кўринди...

- Авваламбор барчан мухлисларни Суперлига йўлланмаси билан табриклайман. Икки йил деганда биз ўз мақсадимизга эришдик. Албатта Про лига тугашига бир нечта тур қолганда вазифа бажарилди. Бу қанчалик таъсир қилганини сўнгги ўйинлардаги натижалар ҳам айтиб турибди. 

- Мавсум давомида "Нефтчи" билан рақобатлашиш қай даражада қийин кечди? 

- Кўрябсиз сўнгги икки йилда Про лига савияси анча ошди. Мусобақада рақобат сезиларли даражада кучайди. Суперлига йўлланмаси учун курашиш қизиқарли кечди. "Нефтчи" ҳақли равишда биринчи ўрин билан Суперлигага йўлланма олди. "Олимпик" бу йил ташкил топганига қарамасдан ҳар бир ўйинда курашди. "Нурафшон"га қарши ўйинлар ҳам осон бўлгани йўқ. 

- Жорий йилги мавсум Шоҳруҳ Абдураҳмонов учун шубҳасиз омадли ўтди, дея оламиз. Футболчининг қирраларини очилиши ва ўйини ёрқин кечиши мураббийга боғлиқми?

- Менинг фикримча, ҳа. Футболчининг қай даражада тўп тепиши мураббийга боғлиқ, деб ўйлайман. Жорий йилги муваффақиятларим учун мураббийларимга ва жамоадошларимга миннатдорчилик билдираман. 

- 2019 йил "Пахтакор" ўринбосарларидан "Динамо"га кўчиб ўтган эдингиз. Самарқанд клуби сизнинг трансферингизни сотиб олганди. Биздаги маълумотларга қараганда ўшанда жамоа 500 миллион сўм тўлаган экан...

- Тўғри 2019 йилда мени "Пахтакор"дан сотиб олган. Лекин трансфер нархимнинг очиғи билмайман. 

- Шу кунгача жамоада кўп бор таркиб ўзгарди. Футболчилар алмашди. Бошқа жамоалардан таклифлар бўлганми? Ўша мавсум Суперлигада Ван Перси услубида урган голингиздан сўнг ҳаридорларингиз кўпайганди. "Динамо"да сизни ушлаб турган нарса нима?

- Суперлигада иштирок этган йилимиз жуда кўп тажрибали ижрочилар билан тўп тепгандим. Улардан ўзим учун фойдали жиҳатларни ўзлаштирдим. Тажриба орттирдим. Сиз айтаётган гол кутилмаганда юз берган эди. Вазият шуни тақозо қилди ва гол урдим. Лекин таклифлар ҳақида менинг хабарим бўлмаган.

- Шоҳруҳ Абдураҳмонов кеча қандай эди, бугун қандай? Келажакни қайси жамоа билан боғламоқчисиз?

- Мени шу даражага келишимга оилам, мураббийларим сабабчи. Олдин ҳеч бундай натижага эришишимга ишонмасди. Олдимга мақсад қўйдим ва шу йўлда ишонч билан ҳаракат қилмоқдаман. Ҳали асосий мақсадимга эришганим йўқ. Бўлғусида фаолиятимни қайси клуб билан боғлашим аниқ эмас. 

- Мақсадингиз "Пахтакор"га кучли бўлиб қайтишми ёки олдинга ҳаракат қилиш?

- Мақсадим худо хоҳласа АПЛда тўп тепиш. Албатта фақат олдинга қараб интиламан.  


Абдулазиз Искандаров

Рейтинг: +2   

Фикрлар

championat.asia
< сўнгги янгиликларни кўриш
Яндекс.Метрика