Гвардиола Холанд ҳақида: "Унинг бувиси оламдан ўтди, 2 ойни жароҳат билан ўтказиб юборди"

Ўйиндаги ягона голни Эрлинг Холанд 71-дақиқада киритди. Учрашувдан кейинги матбуот анжуманида "шаҳарликлар" бош мураббийи Хосеп Гвардиолага охирги учрашувларда кўплаб имкониятларни кўкка совураётган Эрлинг Холанд ҳақида савол беришди.

"Мен ёш пайтларим катта ёшли дўстим шундай деганди: "Тор форвардлар кўп гол уришади, уларни танқид қилма. Акс ҳолда, улар сени овозингни ўчиришади".

Эртами-кечми Холанд ўз голларини уради. У жароҳат сабаб 2 ойни ўтказиб юборди, унинг бувиси оламдан ўтди, бу осон эмас. Агар мен имкон бериш учун фақат бир ўйинчини танлашим керак бўлса, бу айнан Эрлинг бўларди", - деган Гвардиола матбуот анжуманида.

Эслатиб ўтамиз, айни пайтда Эрлинг Холанд АПЛда 17та гол билан тўпурарлар рўйхатини бошқариб бормоқда.

Англия Премьер лигаси турнир жадвали >>>>> АПЛ