Григорий Колосовский: "Пенальти ўйинни бурилиши десак нотўғри бўлмайди"

"Ўйин томошабоп бўлди. Биринчи бўлимда устунлик биз томонда бўлди, иккинчисида эса аксинча. Ҳимоядаги хатолар туфайли гол ўтказиб юбордик. "Бунёдкор"ни ғалаба билан табриклайман. Биз эса ўз хатоларимиз устида ишлаймиз. 3 кундан сўнг бизни жуда муҳим ўйин кутиб турибди. Ушбу баҳс фақат биз учун эмас, балки бутун Ўзбекистон жуда қимматлидир.

Тўпга 70% ёки 80% егалик қилиш мумкин, аммо гол бўлмаса барчаси бефойда. Тўпга эгалик қилдик, аммо тўлиқ имконият эмас, ярим имкониятлар ярата олдик.

Никита сўнгги учрашувларда кўп дарвозасини ташлаб чиқиб кетяпти? Фақат уни айблаш ниятимиз йўқ. 2 голда у шунга мажбур эди. Ўйинни таҳлил қилиб, бунга ўхшаш вазиятлар такрорланмаслигига умид қиламиз. Рибкин истиқболли, кучли дарвозабон.

Акобир Тўраев ва Бердиев? Улар майдонга тушмаётгагнининг сабаби мураббийлар штаби қарори. Анвар Солиев юқори савияли футболчи эканлигига ҳеч ким шубҳа қилмаса керак.

Азим Аҳмедовга келадиган бўлсак, Камолиддин Тожиевнинг сариқ карточкалари сони кўпайиб кетган эди, шу сабабли уни ҳимояга қўйдик.

Пенальти ўйинни бурилиши десак нотўғри бўлмайди. Голдан сўнг "Бунёдкор" футболчиларида ўзига бўлган ишонч ортиб кетди. Болтабоев қўли билан ўйнамоқчи эмасди, аммо тўп унинг қўлини топди дейиш тўғри бўлса керак.

Бугунги мағлубият муҳим ўйин олдидан жамоага таъсир қиладими? 3 май кунигача ўзимизга келиб олишимиз ва ўша баҳсда ўзимизнинг кучли ўйинимизни намойиш этишимиз керак. Яхши тайёргарлик кўриб, бу баҳсда финалдагидек ҳаракат қиламиз

Мухлислар ва журналистларга миннатдорчилик билдираман" - дейди Колосовский.