Грэм Арнольд: "Рақиб ким бўлишидан қатъий назар фақат ғалаба учун майдонга тушамиз"

- Жаноб бош мураббий Сурия қарши учрашув ҳақидаги фикрларингиз?

- Учрашувга тайёрмиз. Ҳиндистонга қарши яхши ўйнадик ва эртага яна бир синов олдида турибмиз.

Азиз Бехич

- Эртанги учрашув ҳақида нималар дея оласан?

- Сурия терма жамоасида яхши таркиб йиғилган. Биз эртанги баҳсга яхши тайёргарлик кўрдик.

- Дастлабки учрашувда бир нечта муаммоларга дуч келдик дедингиз. Айнан қайси позицияларни кучайтиришни истайсиз?

- Ҳиндистонга қарши учрашув зарбадан олдинги пас беришда муаммо бўлди. Мен жамоамиз ушбу жиҳатни тўғирлаган эдим.

- Сурияга қарши қандай натижа кутмоқдасиз ва қандай натижадан қониқасиз?

- Фақат ғалаба. Биз бу ерга нима учун келганлигимизни биламиз ва ким рақиб бўлишидан қатъий назар ғалаба учун майдонга тушамиз.

- Ўтган матбуот анжуманларида биз бу ерга кубок учун келдик дедингиз. Биринчи учрашувдан жамоангизнинг имкониятларини қандай баҳолайсиз?

- Олдиндан бирор нима дейиш қийин. Ўйиндан ўйинга режамиз ўзгаради. Ҳозир фақат Сурияга қарши учрашув ҳақида ўйламоқдамиз.

- Жамоангизда жароҳатлар борми?

- Йўқ. Барча футболчилар майдонга тушишга тайёр.

- Австралия Осиё минтақасига кўчиб ўтганинга кўп бўлмади.Сизнинг мамлакатингизда ушбу қарорни қандай қабул қилишган. Мухлислар ушбу қарорни қўллаб қувватлашадими?

- Менимча ҳа. Сабаби Осиё минтақаси орқали футболимизни ривожлантиришимиз мумкин. Осиёда кучли терма жамоалар жуда кўп. Океанияда эса терма жамоаларнинг сони кам. Осиё футбол конфедерациясига кўчиб ўтганимиздан фақат Янги Зеландия ранжиган(кулади).