UZ

Сўнгги янгиликлар

10:31Суперлига-2024: 3-тур баҳсли вазиятлари юзасидан Эксперт-ҳакамлар комиссияси хулосаси  0 10:04«Жаҳон чемпионатининг саралаш учрашувларига ёш, тажрибасиз ва янги футболчиларни жалб этиб, уларни ўйин услубига мослаштириш учун вақт йўқ, чунки бу жуда мураккаб» - Катанец ОФК расмий сайтига интервю берди  5 09:51Пике «Барселона» бош мураббийлиги учун икки номзодни айтди  0 09:23Англия терма жамоаси Евро-2024 учун либосини тақдим этди  1 09:15Рустам Мирсодиқов 70 ёшда!  1 08:52«Арсенал»нинг яна бир футболчиси термада ўйнашдан бош тортди  4 08:25Стерлинг кечирим сўради  2 07:58«Атлетико»га қарши учрашувда қизил олган Хави нечта ўйинга четлатилиши маълум  0 07:31Про лига. Бугун турнинг марказий учрашуви бўлиб ўтади  8 00:30Киммих фаолиятини "Сити", "Ливерпуль", "Арсенал", "Реал" ёки "Барса"да давом эттирмоқчи  2 23:45Гризманн 2017 йилдан бери илк марта Франция терма жамоаси ўйинларини ўтказиб юборади  5 23:10"Ливерпуль" ҳужумчиси март ойида терма жамоасига ёрдам бера олмайди  0 22:47"Ювентус" катта товон пулидан қўрқиб, Аллегри билан хайрлашмоқчи эмас  3 22:09Ўзбекистон Суперкубогида ишлайдиган ҳакамлар номи эълон қилинди  1 21:29Португалия терма жамоаси Евро-2024да фойдаланадиган либослар намойиш этилди  2

"Гол"ни мўъжизага қиёслаган Ашурматов асл мўъжизани қўлдан чиқарди (+Шотанинг мардлиги) Янгиликлар

"Гол"ни мўъжизага қиёслаган Ашурматов асл мўъжизани қўлдан чиқарди (+Шотанинг мардлиги)

Муборакдаги ўйин ҳақида эшитмаган одам қолмади. Биз ҳам учрашувдаги асосий эпизодга муносабат билдиришга қарор қилдик.

Дарвоза чизиғини кесиб ўтмаган "гол" ҳақида

Ўйиндан кейин мураббийлар ўз фикрлари билан ўртоқлашишди. Бахтиёр Ашурматовнинг гапларини эшитдик. Қўқонликлар устози голни мўъжизага қиёслади. Мен ҳам қўшиламан, ўша вазият мўъжизавий эди. Лекин, Ашурматов ундан нотўғри мақсадда фойдаланди...

Унинг айтишича, Хомяков гол ўтказишни сўраганида унинг гапларига ишонмаган. Аммо, Ашурматовда ишонч ҳосил қилиш учун ўша вазиятни қайта кўриш имконияти бор эди. Тўғри, техник зонада телефондан фойдаланиш мумкин эмас, лекин "Машьал" томони уддалаганини кўрдик. 

Бу билан Ашурматовни айблаш фикридан йироқман. Буни Хомяков ҳам тан олди. Айтмоқчиманки, футболда фэйр-плей ҳамма нарсадан олдинда бўлиши керак. Бугун майдонда айбдор кимдир бўлса, у ҳакам эди. Бироқ, Бахтиёр акада ҳам, "гол" урган Мўмин Мелиевда ҳам, вазиятни ҳаммадан яхшироқ кўрган ва қўлини кўтариб реферига ишора қилмоқчи бўлган Муҳаммаданас Ҳасановда ҳам хатони тўғрилаш имконияти бор эди. Юқорида айтганимдек, имконият мўъжизавий эди, шундай қилган киши қаҳрамонга айланарди.

Бугун қўқонликлар 3 очко ютишди, аммо ғалаба ҳеч кимга татимаган бўлса керак. Чунки ўша вазиятда гол ўтказиб юборишганида ҳам ўйин охирига қадар 2-голни уриб, ғалаба қозониб кетишарди. Муҳими, ютуқ тоза бўларди. Кимдир 20 йилдан кейин мазкур ўйинни эсласа, уларни яхши фикр билан эслаши кафолатланарди. Аммо, барчаси аксинча бўлди (ишонмасангиз, мухлисларнинг изоҳларини ўқиб кўринг)...

Арвеладзенинг мардлиги

"Пахтакор"нинг собиқ устози Шота Арвеладзе ҳам фаолияти давомида шундай вазиятга дуч келган эди. 2015 йилнинг 13 март куни грузин бошқараётган "Қосимпошо" жамоаси "Коньяспор" майдонида меҳмон бўлган. Ўйин давомида Райан Бабел майдонга қулайди ва мезбон футболчилари нидерландиялик ҳамкасбларига ёрдам кўрсатилиши учун тўхтаб қолишади. Бироқ, Бабелнинг жамоадоши Райан Донк ўйинни давом эттириб, "Коньяспор" дарвозасини ишғол қилади. Буни кўрган Шота асабийлашиб кетади ва шогирдларига гол ўтказиб юбориш тўғрисида кўрсатма беради. 


Арвеладзенинг ўша ҳаракати барча томонидан жуда илиқ кутиб олинган ва унга нисбатан ҳурмат ошган эди.  Ҳозир биз ҳам шунга ўхшаш фикрларни айтиб турган бўлишимиз мумкин эди...

Ҳакамларга босим ортиб кетди

Алишер Никимбаевнинг реферилар ҳақидаги гапларида жон бор. Ўзбекистон футбол ассоциациясининг коррупцияга қарши ўтган йилнинг охирида бошланган (якунламай қолган) кураши ҳакамларнинг ишини оғирлаштириб юборди. Чунки мен, сиз — ҳаммамиз ишимиз билан боғлиқ кўплаб хатолар қилишимиз ва ҳар гал узр сўраб қутулиб кетишимиз мумкин. Аммо, рефериларнинг хато қилишга ҳаққи йўқ. Уларнинг энг кичик хатоси ҳам хиёнатга йўйилади. Шу туфайли бугун уларга бўлган босим 2 баробар ошиб кетди. Бу табиий равишда хатоларни кўпайтирмоқда...

"Ўзингга ўзинг қилдинг..."

Ўша вазият учун "Машьал" томоннинг айби ҳам арбитрларникидан кам эмас. Тўғри, ҳакамлар ўйиндан олдин дарвоза тўрларини яхшилаб текшириб кўрмаган. Лекин, муборакликлар стадионидаги дарвозага катакларининг томонлари 10 сантиметрдан узунроқ бўлган тўрларни ким ўрнатган? Шундай экан, "Машьал" вакиллари ҳакамлар жамоаси билан бир қаторда ўзларидан ҳам ўпкалашлари керак. "Профессионаллик" деган тушунча сизга ғалатироқ туюлиши мумкин, лекин у энг камида бугунгидек шармандали вазиятларнинг олдини олади.

Фахриддин РЎЗИЕВ

Муаллифнинг олдинги мақолаларини ўқиш

Муаллиф :
Рейтинг: +15   

Фикрлар

championat.asia
< сўнгги янгиликларни кўриш
Яндекс.Метрика