"Sport Bild" хабарига кўра, жанг 16 июль, якшанба куни ярим тунда "Целль-ам-Зе" йўлида бўлиб ўтган. Бунгача футболчини жамоа меҳмонхонасида мухлислар билан кўришган.
Қайд этилишича, жабрланувчи 22 ёшли йигит бўлиб, унинг бурни ва тиши синган. Ҳодисадан кейин у касалхонага юборилган, Герсбек эса сўроқ учун полиция бўлимига олиб кетилган.
"Герта" футболчини муддатидан аввал Берлинга жўнатиб юборди ва бу борада расмий баёнот тайёрламоқда.
28 ёшли Герсбек Берлин клуби тарбияланувчиси ҳисобланади. У ўтган мавсум иккинчи Бундеслигада "Карлсруэ" таркибида ҳаракат қилди ва 32 та ўйин ўтказди.
