6 июль куни бўлиб ўтадиган баҳсда турнир ғолиблиги учун курашаётган икки жамоа ўзаро тўқнаш келади.
- Португалия Жаҳон чемпионатидаги биринчи жиддий рақибингиз бўлади. Бу ҳақда нима дея оласиз?
- Ҳа, албатта. Бу ҳозиргача биз қарши ўйнаган энг кучли жамоа бўлади. Улар юқори савиядаги футболчиларга эга ва жуда яхши жамоа.Биз эътиборимизни ўз ўйинимизга, мураббийнинг режасига қаратишимиз керак. Агар барчамиз биргаликда ҳаракат қилсак, бу учрашувда ғалаба қозонишимиз мумкин.
- Сиз аввал ҳам Португалияга қарши муваффақиятли ўйнагансиз. Бу сафар ғалаба калити нима бўлади?
- Португалия услуб жиҳатидан Испанияга жуда ўхшаш жамоа. Энг муҳими — ҳозирги ўйин суръатимизни сақлаб қолиш. Барча футболчилар бир тану бир жон бўлиб ҳаракат қилиши керак. Айнан жамоавийлик бизни кучли қилади. Агар шу руҳда давом этсак, албатта мақсадимизга етамиз, - деди Гави.
Эслатиб ўтамиз, Испания – Португалия учрашуви 6 июлдан 7 июлга ўтар кечаси соат 00:00 да старт олади.
