“Фиорентина” сўнгги тўрт учрашувда атиги бир очко тўплаб, қолган учта ўйинда мағлуб бўлганди. Ушбу мағлубиятларнинг иккитасини жамоа А серияга эндигина қайтган “Верона” ва “Лечче”дан қабул қилиб олди.
Маълумотларга кўра, Монтелланинг клубдаги даври ўз ниҳоясига етган ва у истеъфога чиқарилади. Клуб президенти Рокко Комиссо жамоанинг сўнгги учрашувини “Артемио Франки” трибуналарида кузатган ва “Лечче”дан учралган мағлубиятдан кейин у стадион атмосферасидан келиб чиқиб, мураббийни истеъфога чиқариш ҳақида қарор қабул қилиб бўлган.
“Милан”нинг собиқ устози Женнаро Гаттузо айни пайтда Монтелланинг ўрнини эгаллашга асосий номзод бўлиб турибди.
