Футзални юртимиз бўйлаб оммалаштириш мақсадида Ўзбекистон кубоги ва чемпионати учрашувларини турли вилоятларда ўтказиш режалаштирилган. Айнан шу жиҳатни инобатга олган ҳолда иккинчи давра баҳслари манзили ҳам танлаб олинди. Навбатдаги беллашувлар Жиззах ва Андижон вилоятларида ташкиллаштирилади.
Жумладан, "А" ва "Б" гуруҳи иккинчи давра ўйинлари Жиззахдаги "Футбол маҳорат мактаби" залида бўлиб ўтса, "C" ва "Д" квартетлари учрашувлари Андижондаги "Универсал" спорт комплексида бўлади.
