Футзал. Абдушукур Ясинов: "Бу мавсумни бироз ёмон бошладик"
20 янв 2017 19:03
Янгиликлар

Футзал. Абдушукур Ясинов: "Бу мавсумни бироз ёмон бошладик"

Футзал бўйича XXI миллий чемпионатимизнинг 1 босқич 3-тур беллашувлари давом этмоқда.

"Бунёдкор" клуби аъзоси Абдушукур Ясинов "Когон"га қарши ўйиндан сўнг ўз фикрларини билдирди.

"Ўйинга яхши тайёргарлик кўрдик, сабаби мағлубиятли сериямизга якун ясашимиз керак эди. Ўйинни ўзимиз режалаштиргандек ўтказдик, охирги дақиқаларда салгина бўшашганимиз натижасида гол ўтказиб юбордик.

Бу мавсумни бироз ёмон бошладик, бунга таркибимизда янги ўйинчиларни борлиги ҳам сабаб бўлди менимча. Ҳозир эса бир-биримизни анча яхши тушунаяпмиз ва ўз ўйинимизни топиб олдик деб ўйлайман. Бугунги баҳс биз учун жуда ҳам муҳим эди, шунинг учун ҳаммамиз тиришиб ҳаракат қилдик. Бу ғалаба жамоавий ўйинимиз самараси бўлди", - дейди Ясинов.