Франция президенти Дрогба ва Азар билан бир жамоада футбол ўйнаб, пенальтидан гол урди

Франция президенти Эмманюэль Макрон хайрия учрашувида майдонга тушди. Ивелин шаҳрида бўлиб ўтган баҳсда давлат раҳбари тўп тепаётган жамоа 5:3 ҳисобида ғалаба қозонди. Голлардан бирини президент пенальтидан урди.

Макрон 3-рақамли оқ либосда ҳаракат қилиб, Дидье Дешам, Дидье Дрогба, Кристиан Карамбё, Эден Азар каби собиқ футболчилар билан бир жамоада тўп тепди.

Мазкур учрашувдан тушган маблағ хайр-эҳсон ишларига йўналтирилади.