"Фиорентина" "Тоттенхэм" футболчисини ижарага олмоқчи
10 авг 2022 14:57
Янгиликлар

"Фиорентина" "Тоттенхэм" футболчисини ижарага олмоқчи

"Фиорентина" "Тоттенхэм" ярим ҳимоячиси Жованни Ло Чельсога қизиқишни тиклади.

Италия клуби 26 ёшли ўйинчи билан шартнома имзолаш учун курашга қўшилди. "Фиорентина" футболчини бир мавсумга ижарага олмоқчи ва битимга 20 млн евролик харид қилиш ҳуқуқини қўшмоқчи.

Олдинроқ, Ло Чельсо ушбу ёзда "Вильярреал"га ўтиш бўйича келишувга эришгани, аммо испан клуби Ла Лиганинг молиявий фэйр-плей қоидалари сабаб битимни амалга ошира олмаслиги айтилган эди.

Аргентиналик ярим ҳимоячи ўтган мавсумнинг иккинчи қисмини ижара асосида "Вильярреал"да ўтказди. Футболчи клуб сафида барча мусобақаларда 21та ўйинда майдонга тушиб, 1та гол ва 1та ассист қайд этди.

Ҳавола :

Манба : sport.sky.it

Янгиликларни Телеграмда ўқинг!

Рейтинг: