"Реал" ярим ҳимоячиси Федерико Вальверде Ла Лига 29-тури доирасидаги "Атлетико"га (3:2) қарши баҳсдаги четлатишдан сўнг бир ўйинга четлатилди. Уругвайлик футболчи учрашувнинг 77-дақиқасида Алекс Баэнанинг оёғига орқадан зарба бергани учун тўғридан-тўғри қизил карточка олган эди. Ҳакамлар техник қўмитаси (CTA) арбитр Хосе Мунуэра Монтеронинг қарорини қўллаб-қувватлади.
As нашрининг хабар беришича, Испания қироллик футбол федерациясининг (RFEF) Мусобақалар қўмитаси Вальвердени Ла Лиганинг бир ўйинига дисквалификация қилди. Аввалроқ "Реал" хавбеки иккита ўйинни ўтказиб юбориши мумкинлиги ҳақида хабарлар тарқалган эди.
Шу тариқа, Вальверде 4 апрель куни Ла Лига 30-тури доирасида бўлиб ўтадиган "Мальорка"га қарши учрашувни ўтказиб юборади.
