Фахрий футболчилар ўртасида Ўзбекистон Футбол Федерацияси кубоги мусобақаси ўтказилмоқда

Турнирнинг вилоят босқичлари якунига етди. Гуруҳ босқичларидан ярим финал босқичига “Бунёдкор”, “Металлург”, Навоий, Нукус, Қўқон, “Нефтчи”, Қашқадарё, “Бухоро” жамоалари йўл олди.

Ярим финал босқичида ҳар бир жуфтлик ўзаро икки ўйиндан иборат баҳсларни ўтказди. Уларда қуйидаги натижалар қайд этилди:

“Бунёдкор” – “Металлург” 2-0; 2-1.

Навоий – Нукус 3-0; 1-1.

Қўқон – “Нефтчи” 3-0; 0-0.

Қашқадарё – “Бухоро” 4-0, 9-2.

Шу тариқа “Бунёдкор”, Навоий, Қўқон, Қашқадарё жамоалари турнирнинг финал босқичига йўл олди. Финал босқичи ўйинлари 12-13 ноябрь кунлари ўтказилади.

Таъкидлаш керакки, ушбу турнирда уч мингдан ортиқ фахрий футболчилар иштирок этди. Мусобақада Тошкент шаҳридан 48, Тошкент вилоятидан 16, Фарғонадан 16, Андижондан 12, Қашқадарёдан 16, Қорақалпоғистондан 10, Навоийдан 12, Бухородан 8 ҳамда Самарқанддан 8 жамоа иштирок этди.  

Жиззах, Сирдарё, Хоразм, Сурхандарё ҳамда Наманган вилояти фахрий футболчилари мусобақада иштирок этишмади. Ўзбекистон Футбол Федерацияси фахрийлар кенгаши ушбу вилоят фахрийларини ҳам Ўзбекистон бўйлаб анъанавий равишда ўтказиб бориладиган бундай катта миқиёсдаги турнирдан четда қолмасликка, навбатдаги турнирларда қатнашишга чорлайди.