Ўзбекистон Кубоги чорак финалида "Навбаҳор"ни енгган "Сўғдиёна" ярим финал йўлланмасини қўлга киритди. Маълумот учун, жиззахликлар ўз тарихида учинчи маротаба мамлакат кубогининг 1/2 финал босқичида иштирок этадиган бўлди.
Жамоа дастлаб 1995 йилги мавсумда чорак финалда "Нурафшон" (Бухоро) билан техник ғалабага эришган, финал йўлланмаси учун Тошкентнинг МҲСК клубига таслим бўлганди. 2022 йилги мавсумда эса "Сўғдиёна" 1/4 босқичда пенальтилар сериясида "Қизилқум"ни ютиб, ярим финалда "Навбаҳор"га пенальтилар сериясида таслим бўлган.
