Фабиньонинг трансфери барбод бўлиш арафасида. Гап унинг булдогида ҳам эмас

"The Athletic" хабарига кўра, музокаралар жуда секин ривожланмоқда. Ушбу жараён футболчининг "Ливерпуль"да қолиши эҳтимоли сабабли барчаси чўзилиб кетган. "Ал Иттиҳод" эса бразилиялик футболчи учун 40 млн фунт тўлашга тайёр бўлган.

Айни дамда томонлар трансферни тезроқ якунлаш учун ҳаракат қилишмоқда. "Ал Иттиҳод"да Фабиньо билан шартнома имзолаш иштиёқи пасаймаган. Жараённинг чўзилиб кетгани сабабли Фабиньо яна "Ливерпуль"га қайтади ва чоршанба куни жамоа машғулотларига қўшилади.

Музокаралар сабабли Фабиньо Германиядаги турнега олиб кетилмаганди. Музокараларнинг муваффақиятли якунланиш эҳтимоли ҳам бор. Ҳалигача томонлар футболчининг шартномасидаги бандларни келиша олишмаяпти.

Олдинроқ Фабиньо Саудия Арабистонига олиб кириш тақиқланган француз булдоги билан келгани учун трансфер барбод бўлиши айтилганди. Бироқ бу унинг трансфери бекор бўлиши учун етарли бўлмаяпти.