Европа чемпионатлари тарихи: Евро-1992
30 май 2016 15:43
Янгиликлар

Европа чемпионатлари тарихи: Евро-1992

"Кўҳна қитъа" чемпионатлари тарихи билан таништиришда давом этамиз.

Тўққизинчи Европа чемпионати 1992 йилнинг 10-26 июнь кунлари Швецияда бўлиб ўтган. Турнирда 8 та терма жамоа иштирок этган: 7 та жамоа саралаш ўйинлари орқали, Швеция эса мезбон сифатида мусобақада иштирок этиш имкониятини қўлга киритган. Бу турнир 8 та терма жамоа иштирок этган сўнгги чемпионат сифатида тарихда қолган.

Мусобақада кутилмаганда Дания терма жамоаси ғолибликни қўлга киритган. Эътиборли томони шундаки, Дания саралаш ўйинлари якунларига кўра турнирга йўлланмани қўлга кирита олмаган. Скандинавияликлар сиёсий сабабларга кўра мусобақада иштирок эта олмаган Югославиянинг ўрнига Евро-92 ўйинларида қатнашгандилар. Бундан ташқари, мураббий билан уришиб қолгани сабабли ўша чемпион жамоа таркибида энг машҳур даниялик футболчи - Михаэл Лаудруп бўлмаган.

Қатнашчилар: Англия, Германия, Дания, Голландия, МДҲ, Франция, Швеция, Шотландия.

Гуруҳларда биринчи ва иккинчи ўринларни қўлга киритган терма жамоалар ярим финалда иштирок этиш ҳуқуқини қўлга киритганлар.

Ярим финаллар:

Швеция - Германия 2:3

Дания - Голландия 2:2 (пен.5:4)

Финал:

Дания - Германия 2:0

Чемпион: Дания

Иккинчи ўрин: Германия

Учинчи ўринлар: Швеция, Голландия.

Тўпурарлар:

Денис Бергкамп (3)
Томас Бролин (3)
Хенрик Ларсен (3)
Карл Хайнц Ридле (3)